O vindeiro sábado estaremos no Banco de Reciclaxe de Teo nunha xornada organizada en colaboración con Enxeñeiros sen Fronteiras. A partires das 10:30am, falarase do reciclado de ordenadores, software libre, gaming, etc. Nós, Composcleta, estaremos alí a partires das 12:00pm para falar de mantemento e reparación de bicicletas. O local encóntrase nunha casiña branca da rúa do Buxo, 5 da urbanización dos Tilos no Concello de Teo.
O pasado martes 12 de decembro, desfrutamos da presentación do Libro “As bicicletas si son para Galicia” da Editorial Catro Ventros Deixamos a presentación que nos fixeron chegar a Compostela O noso recente lanzamento, «As bicicletas si son para Galicia», aborda o uso da bicicleta dende un punto de vista poliédrico: ecolóxico e ecoloxista (como alternativa aos vehículos contaminantes), de mobilidade sustentable (como elemento transformador da nosa relación coa contorna, non só nas cidades senón tamén no rural) e feminista (como ferramenta empoderadora).
🍁 Outono en bici! Composcleta organizó unha viaxe cicloturista de 2 días con pernocta por Galicia e Portugal os pasados 14 e 15 de outubro. Percorrimos a cidade de Vigo, a Senda da auga, o Camiño De Santiago Portugués en sentido Sur, a Ecovía do Minho en Portugal, a senda xunto ao Miño polo Rosal e A Guarda, e finalmente o carril bici ata Vigo. Non usamos practicamente estradas con tráfico ou sen infraestrutura para bici, e o itinerario foi maioritariamente un roteiro moi seguro.
Un ano máis, na semana do 11 ao 17 de setembro é a Semana Europea da Mobilidade 2023 (#sem2023 #mobilityWeek). Nesta ocasión Composcleta participou co Concello na organización do día da #bici do pasado domingo 17 de setembro. Ademais dunha pedalada pola cidade, tivemos diferentes actividades na Alameda como charlas, exposicións ou actividades para os máis pequenos. Contamos coa colaboración de Anxo Moure que organizou unha actividade para nenas e nenos.
Simoontanea é unha chamada para pedalear baixo a última lúa chea de verán, nunha quedada informal e entre amigos que terá lugar de forma simultánea en diferentes puntos da xeografía. Convocamos a quen lle apetecese participar con estas sinxelas instruccións: 💡 O percorrido é sinxelo, nada técnico. Como a maioría teremos que ir traballar ao día seguinte (cun amplo sorriso, por certo), a distancia aproximada será de entre 30 e 35 kms.
